Life+News The Official News Portal of Independent Television Network Ltd

ශ‍්‍රී ලංකාව සහ තායිලන්තය අතර ගිවිසුම් 04 කට අත්සන් තැබේ

ITN News Editor
By ITN News Editor ජූලි 13, 2018 11:53

ශ‍්‍රී ලංකාව සහ තායිලන්තය අතර ගිවිසුම් 04 කට අත්සන් තැබේ

දෙදින නිල සංචාරයක් සඳහා මෙරටට පැමිණි තායිලන්ත අග‍්‍රාමාත්‍ය ප‍්‍රයුත් චාන් ඕ චා මහතා සහ ජනාධිපති ගරු මෛතී‍්‍රපාල සිරිසේන මැතිතුමා අතර නිල හමුව ඊයේ  (12) පස්වරුවේ ජනාධිපති කාර්යාලයේදී පැවැත්වුණු අතර එහිදී මේ පිළිබඳ දීර්ඝ වශයෙන් සාකච්ඡුා විය.2016 වසරේදී ජනාධිපති ගරු මෛතී‍්‍රපාල සිරිසේන මැතිතුමා තායිලන්තයේ කළ සංචාරයේදී ජනාධිපතිතුමා විසින් කරන ලද නිල ආරාධනය පරිදි තායිලන්ත අග‍්‍රාමාත්‍යවරයා දිවයිනට පැමිණ තිබේ.

ජනාධිපති කාර්යාලය වෙත පැමිණි තායිලන්ත අග‍්‍රාමාත්‍යවරයා ජනාධිපති ගරු මෛති‍්‍රපාල සිරිසේන මැතිතුමා විසින් ඉතා උණුසුම් ලෙස පිළිගත් අතර හමුදා උත්තමාචාර සහ ආචාර වෙඩිමුර සහිතව එම පිළිගැනීම සිදුවිය.නායකයින් අතර සුහද කතා බහකින් අනතුරුව ද්විපාර්ශ්වික සාකච්ඡා ආරම්භ කෙරිණි.

ථේරවාදි බෞද්ධ දර්ශනයෙන් පෝෂණය වූ රටවල් ලෙස දෙරට අතර පවතින සබඳතා අගය කළ නායකයින් එම සබඳතා සෑම ක්ෂේත‍්‍රයකින්ම තවදුරටත් වර්ධනය කර ගැනීම පිළිබඳව සාකච්ඡා කළහ.

ශී‍්‍ර ලංකාව සහ තායිලන්තය අතර වෙළෙද සබදතා මේ වන විට සැලකිය යුතු මට්ටමකින් වර්ධනය වී තිබෙන අතර, ඒ පිළිබඳ සිය සතුට පළ කළ තායිලන්ත අග‍්‍රාමාත්‍යවරයා දෙරට අතර වෙළෙඳ පරතරය අඩුකර ගැනීම පිළිබඳව ද සාකච්ඡා කළහ.

කෘෂිකාර්මික, කාර්මික සහ ඇසුරුම්කරණ ක්ෂේත‍්‍ර තුළ තායිලන්තය ලබා ඇති ප‍්‍රගතිය මෙහිදී අගය කළ ජනාධිපතිතුමා ශ‍්‍රී ලංකාවේ ද එම ක්ෂේත‍්‍රවල ප‍්‍රවර්ධනය සඳහා සහයවන ලෙස කළ ඉල්ලීමට සිය එකඟතාවය පළ කළ අග‍්‍රාමාත්‍යවරයා ඒ සඳහා අවශ්‍ය ඉදිරි පියවර කඩිනමින් ගන්නා බව ප‍්‍රකාශ කළේය.

එමෙන්ම ශී‍්‍ර ලංකාවේ තේ සඳහා තායිලන්තය තුළ ඉදිරියේදී වැඩි අවස්ථාවක් ලබා ගැනීමේ හැකියාව සොයා බලන බවට ද අග‍්‍රාමාත්‍යවරයා සහතික විය.

දෙරටේ බෞද්ධ උරුමය ලොවට ගෙනයාම සඳහා ඒකාබද්ධ සංචාරක ප‍්‍රවර්ධන වැඩසටහනක් කි‍්‍රයාවට නැංවීම කෙරෙහි ද මෙහිදී අවධානය යොමු විය.

දෙරට අතර සහයෝගිතාවය සහ මිත‍්‍රත්වය තවදුරටත් වර්ධනය කර ගැනීම සඳහා නැවත වරක් තායිලන්තයේ නිල සංචාරයකට එක්වන ලෙස මෙහිදී තායිලන්ත අග‍්‍රාමාත්‍යවරයා ජනාධිපතිතුමා වෙත ආරාධනා කළේය.

ශ‍්‍රී ලංකාව සහ තායිලන්තය අතර අවබෝධතා ගිවිසුම් 04 කට ද මින් අනතුරුව නායකයින් ඉදිරියේ අත්සන් තැබීම සිදුවිය.

නීති උල්ලංඝනය කරන පුද්ගලයින් හුවමාරුවට අදාළ නෛතික ගිවිසුමකට පළමුව අත්සන් තැබුණු අතර ඇමතිනි තලතා අතුකෝරළ මහත්මිය සහ තායිලන්ත විදේශ කටයුතු අමාත්‍යවරයා අතර එම ගිවිසුමට අත්සන් තැබීය.

දෙරට අතර ක‍්‍රමෝපායික ආර්ථික හවුල්කාරිත්වය පිළිබඳව ගිවිසුමට අමාත්‍ය මලික් සමරවික‍්‍රම මහතා සහ තායිලන්ත නියෝජ්‍ය වෙළෙඳ අමාත්‍යවරිය අත්සන් තැබීය.

තායිලන්ත රජු විසින් ප‍්‍රචලිත කරන ලද ප‍්‍රමාණාත්මක භාවය පිළිබඳ ආර්ථික දර්ශනය මත පදනම්ව තිරසර ප‍්‍රජා සංවර්ධන ආකෘතියක් සඳහා වූ ඒකාබද්ධ කි‍්‍රයාකාරම් වැඩසටහන පිළිබඳ සහයෝගිතා ගිවිසුමක් ද අත්සන් තැබිණි.

එමෙන්ම ප‍්‍රාථමික නිෂ්පාදනවල අගය එකතු කිරීම සඳහා තාක්ෂණික සහයෝගිතාවය පිළිබඳ ගිවිසුමට තායිලන්තයේ  විශ්වවිද්‍යාලය සහ ප‍්‍රාථමික කර්මාන්ත අමාත්‍යාංශය අතර අත්සන් තැබීම සිදුවිය.

ITN News Editor
By ITN News Editor ජූලි 13, 2018 11:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්